^^ حبكـــ بقلبي مايسكنه إنســــ عقبك ـــان^^

حبك بقلبي ما يسكنة عقبك إنسـان

حبك جرى بدمـي وهـذي حقيقـه .

نثرت لك في ساحة الحب ريحـان

وعوداً يكفي مـن بخـوره قبيلـه .

شمس الغلا يشرق بها كل ميـدان

وتنور أيـام الفـرح فـي سنينـه .

أمرت حبـي للغـلا فيـه كتمـان

يرسم له الخافـق معانـي رقيقـه

غيرك يجي للقلب والقلـب تعبـان.

ينوي يداوي القلب وأنـت طبيبـه

واليوم يبني بيـن قلبيـن جـدران.

ينوي بعاد اللـي بنفسـه زهيـده

تعبـت اترجـا حبيبـي ولا كـان.

من طلبتي لـه رد نفسـي حزينـه

إن كنت ناوي يا منى الروح هجران.

دمعي سكبته فوق خـدي قصيـده

شلت الجروح الماضية وأبني أحزان.

حزناً بقلبي شب وسطـي حريقـه .

اسهر مع حزني وهمومـي ألـوان

ورموش عيني من دموعي غريقـه .

قلبي تحطم عقب ما كان عشقـان

ترويه روحاً فـي هواهـا سقيمـه .

كتبت لي في ساحة الحب حرمـان

محروم قلبـاً مـا يلاقـي حبيبـه .

رسمت في فكري من الحب بركـان

بركان ثاير يحـرق اللـي يجيلـه .

شربت من بحر الهوا كنت ضميـان

أرويت نفسي حزنهـا فـي دقيقـه .

تركت كل اللي عرفتـه والأوطـان

وسافرت في بحر الحيـاة السعيـده .

مجدافي أبياتي وشراعـي الحـان

وموال روحي حزن يطوي طريقـه .

أبيات توصف حزن يعيشه إنسـان

كان الفرح ملكه,,وخانه حبيبه؟؟!!