وش تسوي لو عشقت انسان ماهو من نصيبك

وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!

وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!

كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!

كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه ؟؟؟؟

كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!

الله عليك يالجوري

الله عليك

صح لسان شاعرها

ومشكورهـ فديتك على النقل

تقبلي مروري

لوقبل مده كنت بكتب بدون تعليق بس الحين بقول هذا النصيب
صح لسان شاعرهاا
تسلمين الغلاا ع النقل

صح لسانك ولسان شاعرها

تقبلي مروري المتواضع

عيوبه يسلمك ربي يالغالي
فديتك تسلم على المرور ..

حلاوي فديت قلبس انا تسلمين ياعمري ..

شبيه تسلم على المرور المتواضع ههههههههههههه

» هل تسامح انسان جرح قلبك ومشاعرك..؟؟