حزن الطواريق

الموقف اللي جـر حـزن الطواريـق*******لـو مايسلـي خـاطـري مابديـتـه
طعنه ولكن طعنةٍ(ن) فـي المعاليق**ماهوب جرح(ن) لاسمرنـي كويتـه
من أول اضحك لو على خاطري ضيق*****واليوم ضاق الصـدر واهتـز بيتـه
حصاه طاحت من حصى قمة طويـق*******مـن بعدهـا رجـم الغـلا مارقيتـه
انام من طول السهر وأرجـع افيـق*****واجمع خواطر ليلـي اللـي سريتـه
أبيات فيها مـن قصيـد العشاشيـق*****وابلغ منه واصدق من اللـي قريتـه
انفسروها قلـت مـن غيـر تعليـق*****وان بينـت لـي بـن عـم ونخيتـه
ملفـاي مقـدام الوجيـه المطاليـق******اللي ليـا مـن دبـر الوقـت جيتـه
ماهوب ملفق حولي الهـرج تلفيـق*****فـي لازمـي لارحـت يمـه لقيتـه
من لابت(ن) مثل الجبال الشواهيـق******وعلى الظروف اعزومهـا مستميتـه
ربعي مضاميـن العهـد والمواثيـق******وان طمع جار البيت في جـار بيتـه
حققت شيء وشيء يحتـاج تحقيـق*****حلم(ن) بقالـي حـي لـو ماخذيتـه
إن قالهـا الله واليـالـي توافـيـق****لا اقطع ضرم نفسي ولـو مارويتـه
ماهو ضرم فنجال دلـه مـع بريـق*****ضـرم وصـال اللـي لعلـه ياليتـه
تسمح له ضروف الزمـان الواحيـق***اللـي تناسينـي وانــا مانسيـتـه
فوق الخطر دون الوصل نشفت الريق*****وحبل اللقـاء لـو ماربعتـه ثنيتـه
البعد شلفى ذيـاب سـم الصناديـق*****والقرب يرفى جـرح لـو ماهتنيتـه
مخلـوق لكـن دون كـل المخاليـق****حتـى عقالـي دون حزنـه رميتـه
موقف حزيـن وبددتهـا الطواريـق*****وانـا وقفـت بموقفـي واحتميـتـه


للشاعر محمد مريبد

صج لسان شاعرها

ومشكوره حلاووووووووووي عالنقل المميز

تقبلي مروري

تشكر عيوبه مرورك اهو المميز

صح بدنج وشكرا ع المرور الغااااااااالي

فداااااج اللاش ياقلبي