يعني تتفاجئون في يوم و أنت قاعد تقرأ و أنواع الاحلام الوردية و سرحان في فارسة أحلامك على السرير الابيض إلا و أمك داخلة عليك و توها جاية من الاستراحة و تقولك:يا ولدي ودي أكلمك في موضوع ....... ترد أنت بكل خوف:خير يمة ؟؟؟؟؟؟؟؟؟؟؟؟؟؟ تقول:ترى جارتنا أم سالم تريد تخطبك لبنتها و انت ما شاء الله كبرت و حلويت و كلن يبيك .ها وش رايك ثم تنزل أنت راسك في الأرض و تلعب باصبعك في شعرك (أو شنبك)و ترد و إنت مستحي و خدودك حمرة (هذا إذا كنت محلق اللحية )و تقول:الراي رايك و الشور شورك تقول أمك:أنا بصراحة ما أشوف في البنت شي
ما شاء الله عليها محترمة أو وظيفتها زينة و راتبها ممتاز و عايلتها محترمة و من البيت للمسجد و من المسجد للبيت .......ز
و لا عندها سوالف السفر و الخربطة و لا تدخن و لا تروح لاستراحات البنات .يعني بنت ما عليها كلام
تقول إنت:بس هي يا يمى ما شافتني من أول أنا دايما متلطم بشماغي تقول أمك:هي شافتك و إنت نازل من باص المدرسة (أنواع البراءة) وبس و سألت عنك و قالوا لها ولد شي حليلة ما هوب راعي سوق و كوفي شوب و ما يطلع إلا ويا أبوه ........ وتراها ويا أمها جايين يوم الخميس عشان ايشوفونك تسأل إنت :طيب أبوي شنو راية؟ تقول أمك:أبوك ما يدري خليته حايس في المطبخ الله يعينه و تقول إنت:إلي تشوفينه ماما و تطلع أمك من الغرفة وتنط إنت قدام المرايا و تاخذ نص لفة و نص لفة يسار و تشوف جسمك و تمشط جسمك وتمشط شعرك و شنبك بدلع وتقول:آه أخيرا حست و خطبتني و قبل يوم الخميس تروح إنت لكوافير رجالي و تكون مسوي حجز و تقعد تصبغ شعرك هاي لايت و لا تزين حواجبك و تطلع قمر ارباطعش وتجي البيت و تلبس الثوب إلي فصلته عند المصمم لثياب الاعراس و الحفلات و الي فيه فتحة من عند الساق و فتحة من الظهر و سيور و ذاك المكياج و ذاك العطر الي يشق الخشم و تنزل الصالة
ويقول لك أبوك:يالله دخل العصير على خطيبتك ترى أمك ذبحتنا تسأل عنك تقول إنت بكل خجل:واي واي يبه استحي أبي أمي أبي أبوي أبي جدتي ابوك يقولك و هو يطق على كتفك يا ولد روح لعروستك تقول إنت:يايبة دايما تحرجني انت يوووووووووه منك و تاخذ صينية العصير و تدخل المجلس اللي فيه البنت بكل نعومة ورقة ودلع و أدب وتقول بصوت ناعم:احم احم السلام عليكم ترد هي بعد ما وقفت و عليكم السلام (وهي اطالع فيك وقعت خلاص) وتقولها تفضلي...... تقول هي:شنو الاحلى العصير الأحمر و الله الأصفر؟ تقول إنت:كله حلو تقول هي أكيد كله حلو ما دام إنت إلا مسويه ثم تحط الصينية بسرعة و يدك على فمك و تضحك و تروح داخل بسرعة إلا أخوانك يقولون لك :ها شلون شكلها حلوة تقول إنت :تهبل حلوة و دمها خفيف و ذوقها ههههههاي إلا أبوك من المطبخ يزغرط للللللللللللللووووووووووووولوووووووشش مبروك يا ولدي وتمر الايام و أنت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون ويجي يوم العرس و تكعد إنت في الكوشة و كل الشباب حوالينك يرقصون و يغنون على أنغام فرقة .... وشوي إلا العفسة قايمة :ترى العروس جاية وينطون الشباب و الرجال كلن يلبس شماغه و يتلطم وتدخل العروس مع أمها و خواتها وتقعد العروس جنبك و ترفع الطرحة وتقول لك:الله صاير مثل القمر ثم تلف وجهك و إنت مستحي ويتم الزواج و إلا بعد تسعة شهور إلا إنت تجيب توائم وتمر الايام تربي عيالك و تطبخ الغدا لزوجتك وتتهاوشون ساعات وتنام و دمعتك على شنبك و في يوم يزيد حدة الخلاف وتاخذ شماغك وعيالك وتروح بيت أهلك وتصلح أمك ما بينكم و ترجع الحياة مثل أول
hook_sultan الهووووووك
عدد الرسائل : 443 العمر : 40 الموقع : http://sultansaad.spaces.live.com تاريخ التسجيل : 26/02/2008
موضوع: رد: تخيلوا شباب البنات اهي اللي تخطب الرجال الثلاثاء يونيو 03, 2008 12:43 am
موضوع: تخيلوا شباب البنات اهي اللي تخطب الرجال 
الإثنين يونيو 02, 2008 4:57 pm
