من روائع الراحل طلال الرشيد رحمه الله

قال حاقد قلـت يـا جاهـل هلـي
كيف باطرف باصبعي عيني واصيح
انت مثـل ابليـس حقـرك الولـي
لا تسـر ولا تـريـح وتستـريـح
من يصدق بي وانا الشمـس عملـي
مـا يذريهـا عجـاج جـاب ريـح
لو يطيعـك بـي غريـر يجهلـي
ما تطيعك روسهم بـي يـا كليـح
هم هلي يـا جاهـل وهـم منهلـي
لو تضيق القى بهـم كـون فسيـح
عودهم لـه طاعـة واجـب علـي
شيخنـا اللـي مـا يوفيـه المديـح
ما سفهت مـن العقـول الا الخلـي
وما حقرت مـن الكـلام الا النبيـح
الصباخـي مـا تـربـع بالـولـي
والـردي للطيـب جحـاد شحيـح
والعتـم لا بــد يــوم ينجـلـي
واسود النيـة يجـي يـوم ويطيـح
الردى بعـد السمـا عـن مدهلـي
ما تعلمـت اجـزي الطيـب بقبيـح
شمت عنك ابـي المراجـل منزلـي
وفي ضلوعي شايـب عيـا يبيـح
ما اعتلي بالشعر هـو بـي يعتلـي
دام ميزانـي بحـسـادي رجـيـح
لا تصدق في حصانـك يـا جملـي
كنت انا وما زلت وابطي لك نصيح
ما عرفت الغـي واخفيـت جهلـي
علمونـي مستبيحـيـن المـريـح
لـو تبيـن قلـت خلـوا ذاك لـي
بس دامـك كالنسـا مالـي نطيـح
قـل مـادام انـي بكذبـك مبتلـي
كل كـذب دام هـو فنيـي صحيـح
ما اخبـر مـن الذنـوب الا هلـي
ذنبي اللـي يرفـع الـراس الفليـح

حبيبتـي لا مـن غديتـي لـي سـراج اتبعـه
وكني غديت من الضما اركض ويطردني السراب

لا تبخلين اليا شربتك مـا شربتـك مـن سعـه
دامي من جروح الهموم الموجعه كلـي صـواب

اليـوم مرتنـي السوانـي والفصـول الاربعـه
اليـوم مريـت الموانـي والمبانـي والسحـاب

اليوم ما كني لقيت مـر صوتـك مـا اسمعـه
اليوم ما كنـي فقدتـك مـن سؤاليـن وجـواب

يا بنت في خدك وهج سيل الشمـوس الساطعـه
احرق بداخـل داخلـي انسـان ماهـو للتـراب

واللي خلـق ظلمـا الليالـي بالعيـون الهاجعـه
اني من الحرمـان اتسـاءل وحرمانـي جـواب

يـوم الـوداع اتخيلـي مالـي حبيـب اوادعـه
محروم انا و تخيلي محروم حتـى مـن العـذاب

يا بنت لـي قصـه تطـول بكلمتيـن موجعـه
هي باختصار اني انا اركض ويطردني السراب
******


حكوا فيها ..

خذوا في طاري الحلوه .. وجابوا..

مسيكينه .. بسيرتها تنابوا..

واظن الصدق لشفاهم .. ابد ماهو قريب..

بشر يامصعب رضاهم .. وانا مالي حسيب..

انا سايق عليك الله لاجل الله يا شامت..

تخلي الشوك من يدك ولا تطرف عيون كحلت بالزين..

لا نامت انا افداها اذا ودك ..

يا هل ترى انتي وين يا بنت الشفاة؟..

انا ادور عليك بصورتك.. وينك؟..

انا كني لمست رداك وايدينك ..

ما شفتك بكل الكلام..

شفتك على سجادتك..

كنك تصلين القيام..

وليلك سرا بعبادتك..

ما اصدقه .. والهرج ابد ماهو دليل..

ما اصدقه .. يا عل يفداك الذليل..

الله يستر خوافيها.. اللي حكوا فيها
*************

اليوم ذكرى الفراق ومرت أول سنه

اليوم لي عام متغرب وحيد وحزيـن

اليوم أنا ضيف جرحي جيت باطمنه

إني جمعت الدموع وجبت أمانة أمين

ما يجرح الصادق إلا غدر مين يامنه

لاحت من احباب قلبك لا نلوم السنين

مليت من هالاماني دام مهي ممكنـه

لاهي تحقق ولا ياسي بوجهي يبيـن

لو ين أنا وأنت مثل الشمس والأزمنه

مع كل صبح يجدد في لشمسك حنين

لا قلت أحبك أحبـك كنهـا دندنـه

أو كنها وردة ما بين أصابع جنيـن

يا اجمل الناس لك بين الملا هيمنـه

كثير غيرك ولكن مين مثلك ووين؟

يا عاذلي خذ عيوني يمكـن تثمنـه

تشوف عيبه وانا اشوفه ملاك حسين

امس افترقنا وأنا أحسـب أول سنـه

يا طولها ليلة الفرقة سنـه للحزيـن