وين أيام التسدح قدام القناة الأولى تعالوا نتذكر سواء
5 مشترك
كاتب الموضوع
رسالة
فرسان عضو برونزي
عدد الرسائل : 453 تاريخ التسجيل : 15/05/2008
موضوع: وين أيام التسدح قدام القناة الأولى تعالوا نتذكر سواء الخميس مايو 15, 2008 6:45 pm
السلام عليكم ورحمة الله وبركاته
يا هلا والله وغلا فيكم يالله ان تحييهم
المهم انا اليوم سالفتي ياطويلين العمر عن القناة الأولى ياحبي لها بالتلفزيون السعودي ايام الطفولة والبراءة والمبزره
يوم كنت صغير كنت أقوم مع العصافير وأجلس قداام التلفزيون قبل ماتفتح القناة الأولى اشووف الألوان كانها فوطة الوالد الله يطول بعمره
هههههههههاااااااااااي
وبعدها أجلس أغني بصوتي العذب مع السلام الوطني <-----<-----ياعيني عالوطنيه بعد السلام الوطني أجلس احتري القــرآن يخلص واذا خلص قلت صدق الله العظيم <==هذا اللي أنا حافظه
واذا بدا الكرتووون أرووح فيها وافتح هالكشره وماسكرها الا اذا قطعوا علي الفيلم وقالو الإعلانات التجاريه يرفعوووووووون الضغط
المهم انا اجلس اقلب لي مجلة ماجد الين تخلص هالإعلانات
============================== ================ المهم بما اني مدمن افلام كرتون ايام الطفووله ولي ذوقي الخاص <-----<----- احلى ياذووووووق بس لاينط لك عرق
اخترت لكم بعض الافلام اللي حفظتها صم من كثر ما شوفها
الكابتن ماجد
مدري وشلون يتشقلب في الهوا كم قلبه وبعدها يسدد الهدف ويطيح عالارض ومايجيه شي ماشاء الله<===مصدق
يلعن بليسه كل ماجيت العب كوره ابتشقلب مثله مايمديني ارفع رجلي الا واهبد عالارض
والا حركة التوأم منير وأنور اللي كأنهم قرووود هههههههههههههههههههههههههه
بس اللي مشينها اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز
بس والله كنت اتحمس معه تحمس مهوب طبيعي واقعد ارفس اللي قبالي
بشار
هالفاهي اسميه ( بيض عيووون) جابلي الضغط وانا صغير على كبر عيوونه امه تمر من جنبه ومايشووفها
وانا عاد من زود التحمس اصااااااارخ اقوله امك ياغبي التفت الي يشووفني يقول يسمعني خخخخخخخخخخخخخخخخخخخخخخخخخخ
والله (90) حلقه وهو يدووووور امه
سالي
عاد تجيكم سيدة الشاشه الكرتونيه سالي يالبلى قليبها هالبنت قطعت قلبي حته حته من تبدأ الحلقه ا لين تنتهي وانا صياح واهلي يجون يسألوني وشفيك من طقك فيك شي يوجعك وانا مانيب يمهم دموعي اربع اربع بس كانت تقهررررني بشي واحد يهااوشونها وهي ساااكته ويكرفونها وهي منطمه ولاعاد تجيكم بنت الكلب آنسه منشن ياكرهي لها هالنجسه
هايدي
عاد هاذي اللي صدق بعدو عني اذا جت اخش جووو بقووه
هايدي فتاة جبال الألب والعنزااات والخرفااان ياحبي لها هي وبيتر <---- كلير المشلوله الحمدلله ابشركم مشت وجدها الشديد بس اخر الايام هجدت شياطينه صار حليل وجدت بيتر العجوز المنتهيه ولا تهون عنزتها ويكي بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال
عدد الرسائل : 1341 العمر : 42 المزاج : رايق دوم تاريخ التسجيل : 20/04/2008
موضوع: رد: وين أيام التسدح قدام القناة الأولى تعالوا نتذكر سواء الجمعة مايو 16, 2008 4:22 pm
الاخت الجوري مصحصحين
بس ظروف العمل يالشينه
كركركركركر
الاخ فرسان
قلبت المواجع ورجعتني عشرين سنه ورى
وش سويت فيني يالغالي
ارحمني بليزززززززززز
حلا الماس عــــضــــو ذهــــــبــــــــــي
عدد الرسائل : 2132 العمر : 41 تاريخ التسجيل : 23/02/2008
موضوع: رد: وين أيام التسدح قدام القناة الأولى تعالوا نتذكر سواء الثلاثاء مايو 20, 2008 12:35 pm
ههههههههههههههههههه ايام نفس الشي حتى عندنا ههههههههههههه
وعلى قولت عيوبه مو نوم بس ضروف ومشاغل وان شاالله نرد مثل اول واحسن
محد فاهمني عضو نشيط
عدد الرسائل : 141 العمر : 46 تاريخ التسجيل : 03/05/2008
موضوع: رد: وين أيام التسدح قدام القناة الأولى تعالوا نتذكر سواء الثلاثاء مايو 20, 2008 4:38 pm
والله ذكرتني بأحلا الايام أف أف أف
ايام نشتاقلها لبراءتها ، وللناس اللي كانوا معانا ( الوالدين الله يرحمهم )
على زماننا بصراحه انقرضت الرسوم وماعاد أحد يذكرها
الحين مثلا الكابتن ماجد قبل فيل فيه حميدو شامل قبل كنا نقابل افتح ياسمسم بابطاله كعكي والضفدع كامل ونعمان البطه وأنيس والغبي اللي وياه بدر طبعا ديما انسي يضحك على بدر ذكرتني بحلقه لحد الحين لما اتذكرها اضحك خل اقولها لكم
بدر جاب لانيس حلاوه قام انيس قطعها بالنص جان يقوله : لالالا حلاوتي اكبر من حلاوتك ولازم يكونون متساوييين واكل منها شوي جان يقوله : لالالا حلاوتك اكبر من حلاوتي واكل منها شوي وبدر يمه خلاص يا انيس انا راضي وهو يقوله لالالا لما اكل الحلاو كله
الله يسامحك يا فرسان رجعتني 25 سنه ورا ( ترا انا مصغر عمري بالمنتدى )
الغواصه الزرقاء وببيرو مع النسر الابيض كنت اقول حرام والله هم كان يدور على امه ، والليث الابيض العود مو ولده اللي مافيه ذيب بالغابه الا وطقه
خلاص خلاص انا لو ابي اكتب صارت ما أخلص بس بجد هيجت اشجان واحزان وخليتني اتذكر ناس غاليييين علي اسأل الله العلي القدير انهم حاطييين رحالهم الحين بالجنه قولي آمييييييييييييييييييين
فرسان عضو برونزي
عدد الرسائل : 453 تاريخ التسجيل : 15/05/2008
موضوع: رد: وين أيام التسدح قدام القناة الأولى تعالوا نتذكر سواء الجمعة مايو 23, 2008 5:16 am
شكرا على مروركم جميعا
وانا اسف محد فاهمني لاني قلبت عليك المواجع
محد فاهمني عضو نشيط
عدد الرسائل : 141 العمر : 46 تاريخ التسجيل : 03/05/2008
موضوع: رد: وين أيام التسدح قدام القناة الأولى تعالوا نتذكر سواء الإثنين مايو 26, 2008 9:45 am
بالعكس انت مبدع فرســـان
واستمتع بمشاركاتك
وين أيام التسدح قدام القناة الأولى تعالوا نتذكر سواء